Oftaj Demandoj

Pri kaj post la registriĝo.

Mi forgesis mian pasvorton! Kion mi faru?
  • Petu novan per via retpoŝta adreso tie: pasportaservo.org/pasvorto/nova.
  • Enskribu vian retpoŝtadreson kaj klaku “Sendu”, vi ricevos retleteron kun ligilo.
  • Klaku la ligilon kaj vi povos registri vian novan pasvorton.
Mi forgesis mian uzantnomon! Kion mi faru?
Skribu al ni, kaj ni sendos al vi rememorigilon.
Mia retadreso ne plu aktualas / mi volas ŝanĝi mian registritan retadreson. Kion mi faru?
Skribu al ni kaj donu al ni vian novan retpoŝtan adreson.
Kie estas la mapo? Kial mi ne povas serĉi per la mapo!?
Vi havos mapon! Ni samtempe laboras pri la mapo de la libro kaj de la retejo.
La prioritato de Pasporta Servo estas la sekureco de viaj datenoj. Ni bezonas mapon, kiu protektas viajn datenojn.

Kial mi fariĝu gastiganto?

Sed mi jam gastigas eĉ sen esti en la Pasporta Servo!
Se vi oficiale aperas en la Pasporta Servo, ankaŭ novuloj povas vin trovi.
Sed venos tro da gastoj, se mi estos en la gastiganto-listo!
Vi ĉiam rajtas rifuzi tranokto-peton sen klarigi kial.
Sed mi ne povas gastigi la tutan jaron, mi ne ofte estas hejme.
La gastoj ĉiam devas anonci sin antaŭ ol veni al vi, do vi vidos, ĉu vi tiam estos hejme aŭ ne.
Eĉ se mi havas dormlokon, mi ne havas tempon/emon prizorgi gasto(j)n.
La gastoj devas esti memstaraj. La ideo de Pasporta Servo estas, ke oni helpas pri la tranoktado, ĉiu aldona bonkoreco/servo/ĉiĉeronado dependas de la gastiganto. Se vi ne havas tempon/emon, do vi ne havas. Neniu devigas vin tion fari.
Sed mi ne havas apartan gastoĉambron aŭ liton. Mi nur povas plankon proponi.
Ankaŭ tute bone! Indiku ekzakte kiajn kondiĉojn vi havas, kaj la gastoj devos akcepti tion.
Sed mi loĝas en tiom fora loko, ke neniu venus al mia urbo!
Invitu la gastojn al vi! Uzu frapan rimarkon apud via adreso kial indas viziti vin kaj la ĉirkaŭaĵon.
Proponu aktivecon! Skribu bonvenan teksteton. Kontaktu aliajn gastigantojn en via regiono por povi proponi plurajn lokojn proksime.
Sed mi ne volas aranĝi invitleteron por gastoj!
Tion vi tute ne devas fari. Se iu petas vin, simple rifuzu.

Se vi estas gasto…

Ĉu estas limo pri kiom da adresoj aŭ tranoktebloj mi rajtas uzi?
Ne, ne ekzistas limo. Ĉiam dependas de la unuopaj gastigantoj, ĉu ili povas vin gastigi aŭ ne.
Ĉu mi vere, ĉiam devas antaŭe kontakti la gastigantojn?
Kelkaj gastigantoj pretas akcepti gastojn sen antaŭa anonco, sed nur por malmultaj tio estas tute akceptebla.
En la paĝo de loĝloko (kaj en la libro, apud la adreso) vi ĉiam vidas la kondiĉojn indikitajn de la gastiganto. Se oni petas interkonsenton kontakti pli frue telefone, do faru tion; se retletere, tion.
Bonvolu ĉiam respekti la petitajn limigojn de la gastiganto.
Kiom da tempo mi rajtas resti ĉe la gastiganto?
Same kiel pri kontaktado, ankaŭ la resto-daŭro estas indikita. Kelkaj akceptas nur por unu nokto; okazas, ke tute ne gravas por la gastiganto kiom longe vi restas. Vi antaŭanoncu kiom da noktoj vi deziras resti, kaj nepre interkonsentu.
Kion mi faru se gastiganto rifuzas mian tranokto-peton?
Tio kelkfoje okazas. Oni ne ĉiam havas tempon kaj la kondiĉojn gastigi. Serĉu alian gastiganton.
Ĉu mia gastiganto ankaŭ donos al mi manĝaĵon?
Denove, tio estas laŭ interkonsento. La gastiganto rajtas peti repagon por la manĝado, sed la gastiganto tute ne devas proponi manĝojn. Vi, kiel gasto, povas proponi kuiri aŭ prepari kune!

Pasporta Servo – libra versio.

Kiel mi scias, ke mi aperos en la libro?
En la paĝo de via loĝejo, sube, “printi en la PS-libreto”: devas esti jes.
Krome, se vi estis ĝis nun en la libro, kaj vi denove volas aperi en ĝi, vi konfirmu per la retletero, kiun ni sendos al vi.
Mi ne plu volas aperi en la libro. Kion mi faru?
En via profilo estas la “Loĝejo”-parto de la paĝo. Klaku sur la butono dekstre Rigardi. Aperos la paĝo de via loĝejo, tie klaku sur la butono Redakti.
En la redakta formularo iru tute malsupren kaj vidu ĉu estas markilo apud “Printu en la PS-libreto”, se jes, forigu ĝin kaj konservu.
Se vi ne scias kiel ŝanĝi vian profilon, skribu al ni.
Mi ankoraŭ neniam estis en la libro, sed nun volas aperi en ĝi. Kion mi faru?
En la paĝo de via loĝejo, sube, kontrolu kio aperas ĉe “printi en la PS-libreto”. Se jes, vi aperos en la libro! Se ne:
Klaku sur la butono Redakti tie. En la redakta formularo iru tute malsupren kaj certiĝu ke estas markilo apud “Printu en la PS-libreto”, konservu.
Se vi ankoraŭ ne havas profilon en la retejo, kreu unu, kaj poste nepre elektu esti printita en la libro.
La limdato por la PS-libreto estas la 30-a de oktobro.